Աստանայում միջսիրիական հանդիպման ժամանակ արաբ լրագրողներն ընդհարվել են

Աստանայում ընթացող բանակցությունների ժամանակ Սիրիայի իշխանությունների պատվիրակության ղեկավար Բաշար ալ -Ջաաֆարիի ելույթը լուսաբանելու ժամանակ արաբական լրատվամիջոցների երկու լրագրողների միջեւ վեճ է սկսվել, հայտնում է «ՌԻԱ Նովոստին»։

Վեճը սկսվել է հյուրանոցի նախասրահում, երբ Ալ -Ջաաֆարին մամուլի ներկայացուցիչների համար ելույթ էր ունենում։ Օպերատորներից մեկը մի քանի անգամ գործընկերոջը խնդրել է մի կողմ քաշել գլուխը, որ չխանգարի նկարահանումներին։ Մի քանի վայրկյան անց լրագրողների միջեւ քաշքշոց է սկսվել, որն ուղեկցվում էր ինչ- որ արաբերեն բղավոցներով, բայց նրանց արագ առանձնացրել են իրարից։

Ալ -Ջաաֆարին միջադեպին ոչ մի ձեւով չի արձագանքել։