Հայերն ու թուրքերը ընդհարվել են

Լիբանանի մայրաքաղաք Բեյրութում հայերի եւ թուրքերի միջեւ ընդհարում է եղել. տեղեկացնում է Բեյրութում լույս տեսնող «Ազդակ» օրաթերթը:

Հայ երիտասարդները տեքստիլ արդյունաբերության ցուցահանդեսին մասնակցող Թուրքիայի տաղավարներ այցելողներին բաժանել են Հայոց ցեղասպանության վերաբերյալ թռուցիկներ` «Սա ոճրի եւ ցեղասպանության երկիր Թուրքիայի արտադրանքն է», «Բոյկոտեք թուրքական ապրանքները, աջակցեք լիբանանյան տնտեսությանը» եւ այլ կարգախոսներով: Թուրք գործարարները փորձել են խոչընդոտել նրանց, արդյունքում` ընդհարում է տեղի ունեցել։

Դեպքի վայր են ժամանել զինվորականներ ու ոստիկաններ։ Բեյրութահայ երիտասարդների մի մասը ձերբակալվել է։ Թուրք գործարարներից մեկը տեղափոխվել է հիվանդանոց։