«Գազպրոմ»-ը պատրաստվում է հայց ներկայացնել թուրքական մասնավոր ներմուծողների դեմ

«Գազպրոմ»-ը պատրաստվում է հայց ներկայացնել թուրքական մասնավոր ներմուծողների դեմ: Պատճառը 2017-ին գազի սակագների վերաբերյալ վեճն է. գրում է Коммерсант-ը:

Թերթի աղբյուրները հայտնել են, որ «Գազպրոմ էքսպորտ»-ն արդեն պատրաստել է փաստաթղթերը, որոնք, հավանաբար, կհանձնեն Ստոկհոլմի արբիտրաժին:

Թուրքիայում «Գազպրոմ»-ի հետ աշխատում են մի քանի ընկերություններ` պետական Botas-ը, Akfel Holding-ի 3 ընկերություն, Bosphorus gas-ը, Shell Turkey-ը, Bati Hatti-ն և Kibar Enerji-ը: Մասնավոր ընկերությունները «Գազպրոմ»-ից տարեկան գնում են մոտ 200 մլրդ խորանարդ մետր գազ, որը Թուրքիա է մատակարարվում Տրասբալկանյան գազատարով: