Պետական ապարատում աշխատանքից ազատվել է 3 000 մարդ

Այսօր հրավիրած մամուլի ասուլիսում ՀՀ վարչապետ Կարեն Կարապետյանն անդրադարձավ օպտիմալացմանն ու կրճատումներին` ասելով, որ, կանխատեսելով, որ զբաղվածության ու կրճատումների մասին հարցեր կհնչեն, կարճ կներկայացնի ամփոփ պատկերը:

«Այս կրճատումների մեջ կա հստակ մի տրամաբանություն, այն պետք է հեշտացնի որոշումներ կայացնելու գործընթացը: Պետական կառավարման համակարգում բազմաթիվ խնդիրներ կան, և քայլ առ քայլ պետք է հասնենք նրան, որ պետական ծառայողի վարձատրությունը կախված լինի նրա աշխատանքի արդյունավետությունից»,- ասաց վարչապետը՝ հավելելով, որ ցածր աշխատավարձի դեպքում առկա էին կոռուպցիոն ռիսկեր:

Պետական համակարգում կրճատվել է երեք հազար մարդ, տնտեսվել է 5 միլիարդ 359 միլիոն դրամ: