2017-ին սպասվում է Բաքու-Թբիլիսի-Կարս երկաթուղու բացումը. ԱԳՆ ղեկավար

Անկարայում տեղի են ունեցել Թուրքիայի և Վրաստանի ԱԳՆ ղեկավարներ Մևլյութ Չավուշօղլուի և Միխաիլ Ջանելիձեի բանակցությունները, հայտնում է Georgia on-Line-ը:

Հանդիպման ավարտին Թուրքիայի ԱԳՆ ղեկավարը հայտարարել է, որ Թուրքիան լիովին աջակցում է ՆԱՏՕ-ին Վրաստանի անդամակցության գործընթացին:

«Մենք նաև հանդես ենք գալիս Եվրամիության և Վրաստանի միջև վիզային ռեժիմի պարզեցման վերաբերյալ համաձայնությունների արագ իրագործման օգտին», - հավելել է Չավուշօղլուն՝ ընդգծելով, որ աջակցում են նաև Վրաստանի տարածքային ամբողջականությանը:

Թուրքիայի ԱԳՆ ղեկավարն ուշադրություն է հրավիրել այն փաստին, որ 2017-ին սպասվում է Բաքու-Թբիլիսի-Կարս երկաթուղու բացումը: