Բաքուն Մոսկվայից երաշխիքներ է ցանկանում ստանալ. Независимая газета

Բաքվում այսօր կկայանա ռուս-ադրբեջանական միջկառավարական հանձնաժողովի նիստը, որի շրջանակում կողմերը քննարկելու են երկկողմ համագործակցության զարգացման հեռանկարները, այդ թվում` ռազմատեխնիկական ոլորտում: Ռուսական պատվիրակությունը գլխավորում է ՌԴ փոխվարչապետ Դմիտրի Ռոգոզինը. գրում է Независимая газета-ն:

Նշվում է, որ Բաքվում բանակցության գլխավոր թեման կլինի Ադրբեջանին ռազմական տեխնիկայի վաճառքը: Ինչի մասին կպայմանավորվեն կողմերը, դեռ գաղտնիք է:

Հիշեցնենք, որ Комменсантъ-ն ավելի վաղ հայտնել էր, որ ռուսական կողմը Բաքվում կփորձի արդարանալ Հայաստանին «Իսկանդեր» համալիրները վաճառելու համար:

Սակայն ադրբեջանցի փորձագետ Նադիր Սակիթօղլուն НГ-ի հետ զրույցում նշել է, թե Բաքուն իրականում հանգիստ է վերաբերվել Հայաստանին «Իսկանդեր» վաճառելուն: «Մենք չենք պատրաստվում պատերազմել Հայաստանի հետ, հետևաբար, անհանգստանալու պատճառ չկա, որ այդ համակարգերը կկիրառվեն Ադրբեջանի դեմ: Սակայն ԼՂ հակամարտության համատեքստում Բաքուն իրավունք ունի երաշխիք ստանալու, որ Երևանին վաճառված տեխնիկան չի հայտնվի Ղարաբաղում»,- ասել է նա: