Պետք է տեսնենք, որ մեր վճարած 1000 դրամը մուտք է եղել. առաջարկ

Արթուր Եղիազարյանն իր ֆեյսբուքյան էջում գրել է. «Զինվորականներին ապահովագրելու համար առաջարկվող նախագծային հիմնադրամի գործունեությունը թափանցիկ ու հանրային վերահսկելի դարձնելու համար առաջարկում եմ պարզ և լուծելի մեխանիզմ: Հաշվի առնելով, որ բոլոր աշխատողներս վճարելու ենք՝ հետևաբար պետք է տեսնենք, որ մեր վճարած գումարը մուտք է եղել:

Դրա համար, առաջարկում եմ, որ ստեղծվի on-line կայք կամ ՊՆ-ի կայքի վրա՝ համապատասխան դաշտ, որտեղ, համապատասխան սյունակում մուտքագրելով մեր անհատական տվյալները, օրինակ՝ սոցքարտի համարը, տեսնենք բոլոր ամիսների ու տարիների վճարները: Սա հեշտ լուծելի է, քանի որ աշխատելով՝ մեր աշխատավարձից բոլոր պահումներն արվում են հաշվապահության միջոցով:

Ամեն հիմնարկի հաշվապահություն ունենա այս ծրագրի՝ իր գաղտնաբառով մուտքը և համապատասխան դաշտերում մուտքագրի տվյալ աշխատավայրի աշխատողների փոխանցումները: Մենք էլ մեր դիտման դաշտով տեսնենք յուրաքանչյուրս մեր վճարումները: Բացի դա, նաև ընդհանրական՝ տեսնենք ամեն ամսյա հաշվետվություն՝ մուտքագրված-հավաքագրված գումարի չափի և նրա հասցեական բաշխման վերաբերյալ: Սա սպառիչ կլինի՝ վստահություն ներշնչելու համար»: