Հրայր Թովմասյանն անորոշության մեջ է

ՀՀ աշխատակազմի ղեկավար Հրայր Թովմասյանն այսօր խորհրդարանում լրագրողներին հայտնեց, որ իր կյանքի հետագա պլանավորման հարցում անորոշության մեջ է:

Պատասխանելով հարցին՝ հնարավո՞ր է` առաջիկայում դառնա Սահմանադրական դատարանի անդամ, ասաց. «Իմ կյանքի հետագա պլանավորման վերաբերյալ ինձ մոտ մեծ անորոշություն կա, փորձեմ այսպես ասել՝ միշտ ես եմ որոշում: Այս առումով ես չեմ կարող այսօր պատասխանել, թե պառլամենտական ընտրություններից հետո ընդհանրապես կմնա՞մ պետական ապարատում, թե՞ ոչ, իսկ մնալու դեպքում որտեղ կլինեմ։ Եթե ցանկացած պաշտոնում կա ինչ-որ մեկը, որ այդ աշխատանքը կարող է ավելի արդյունավետ անել, քան ես, ապա ես պատրաստ եմ ցանկացած տեղ, որ ինձ կառաջարկվի, զիջել այդ մարդուն»: