Գյուղատնտեսության նախարարն առաջարկի դեպքում կանդամակցի ՀՀԿ-ին

ՀՀ գյուղատնտեսության նախարար Իգնատի Առաքելյանը հնարավոր է համարում իր անդամակցությունը Հայաստանի Հանրապետական կուսակցությանը: «Հնարավոր է, եթե առաջարկ լինի, եթե դա կնպաստի աշխատանքի արդյունավետությանը»,-ասաց նա այսօր կառավարության նիստից հետո պատասխանելով լրագրողների հարցերին: 

Հարցին, թե իրեն չի՞ մտահոգում, որ իր նշանակումը հնարավոր է` գործիք է ՀՀԿ-ի վերարտադրման համար, նախարարը պատասխանեց. «Եթե Հանրապետականն ուզում է, որ ինչ-որ բան զարգանա, դրա մեջ վատ բան կա՞: Այսօր շղթա է գործում և ամեն մեկը գործիքն է այդ շղթայի, որպեսզի զարգանա այդ շղթան, իսկ տնտեսեությունը կամ գյուղատնտեսությունը հենց այդ գործիքներն են» :