Սոցիալական ծառայությունները պետք է դարձնել ավելի հասանելի. վարչապետը հանձնարարական տվեց

Կառավարության նիստում օրակարգին անցնելուց առաջ վարչապետն առաջարկեց սոցիալական հարցերի նախարարին` առաջարկություններ ներկայացնել երեխայի ծննդյան միանվագ նպաստի համար առցանց եղանակով դիմելու հնարավորության վերաբերյալ:

Ըստ վարչապետի` հաշվի առնելով ժամանակակից տեխնոլոգիաների հնարավորությունները, սոցիալական ծառայությունները պետք է դարձնել ավելի հասանելի: Հանձնարարվեց նաև համապատասխան աշխատանքներ տանել և հնարավորություն ընձեռել, որպեսզի կենսաթոշակ և նպաստ նշանակելու դիմումը ներկայացվի ցանկացած տարածքային բաժին՝ անկախ շահառուի հաշվառման վայրից: «Վերլուծել կենսաթոշակ և նպաստ նշանակելու գործընթացը և առաջարկություններ ներկայացնել դրանք օպտիմալացնելու ուղղությամբ»,- հանձնարարեց Կարեն Կարապետյանը: