Վիկտոր Դալլաքյանն անդրադարձավ իր եւ Սեյրան Օհանյանի հնարավոր համագործակցությանը

ԱԺ նախկին պատգամավոր Վիկտոր Դալլաքյանն այսօր լրագրողներին հայտնեց իր՝ ակտիվ քաղաքականություն վերադառնալու մտադրության մասին: Նոր Ընտրական օրենսգրքով` միայն կուսակցությունները կարող են մասնակցել խորհրդարանական ընտրություններին, և այս համատեքստում նոր կուսակցություն ստեղծելու մասին խոսելով՝ Դալլաքյանն անդրադարձավ նաև ՍԵյրան Օհանյանի հետ հնարավոր համագործակցությանը:

«Սեյրան Օհանյանն իր գործունեության և ծրագրերի մասին որևէ հրապարակային հայտարարություն չի արել: Ես ձեռնպահ կմնամ հրապարակային հայտարարություն չարածի մասին գնահատական տալ: Բայց պետք է ասեմ, որ ցանկացած անձի համար պատվաբեր կլիներ, որ Սեյրան Օհանյանը համագործակցեր որևէ կուսակցության հետ»,- ասաց նա: