Վիգեն Սարգսյանը՝ Սեյրան Օհանյանի նկատմամբ քրգործի հնարավոր հարուցման մասին

Վերջին օրերին մամուլում ակտիվորեն շրջանառվում են լուրեր ՀՀ պաշտպանության նախկին նախարար Սեյրան Օհանյանի նկատմամբ քրեական գործ հարուցելու և նրա անվան հետ կապված որոշ չարաշահումներ բացահայտելու մասին: Այս կապակցությամբ այսօր լրագրողները հարց ուղղեցին ՀՀ պաշտպանության նախարար Վիգեն Սարգսյանին՝ հետաքրքրվելով` արդյոք հնարավոր համարո՞ւ էմ Օհանյանի օրոք ՊՆ-ում չարաշահումների առկայությունը:

«Ես համարում եմ, որ ցանկացած գործունեության մեջ կան ռիսկեր, կան մեծ գործառույթներ՝ կապված բյուջետային հատկացումների հետ: Բայց ես չեմ կարծում, որ կարող եմ այս պահին մեկնաբանել կամ ասել, թե արդյո՞ք կա քրեական որևէ տարր: Կարծում եմ` դուք լավ հասկանում ենք, որ եթե ես տեսնեմ խախտում, որը քրեորեն հետապնդելի է, ապա համապատասխան իրավապահ մարմինները դրա մասին կիմանան»,- պատասխանեց նախարարը: