Արցախում մահացած Նարեկը 2 օր առաջ էր դարձել 19 տարեկան. մանրամասներ (լուսանկարներ)

Yerkir.am-ի տեղեկություններով՝ այսօր` ժամը 13:00-ի սահմաններում, ՊԲ կենտրոնական ենթակայության զորամասերից մեկում, դեռևս չպարզված հանգամանքներում, մահացու հրազենային վիրավորում ստացած` 19-ամյա Նարեկ Փաթաթանյանը Չարենցավանից էր: Մեր տեղեկություններով՝ Նարեկի 19-րդ տարեդարձը 2 օր առաջ էր: Նա ԵՊՀ-ի ուսանող էր:

Yerkir.am-ի հետ զրույցում Չարենցավանի քաղաքապետ Հակոբ Շահգալդյանը հայտնեց, որ Նարեկը 6 ամսվա ծառայող էր: «Շատ խելացի տղա էր: Մայրը մաթեմատիկայի ուսուցչուհի է, նա էլ բուհում էր սովորում»,- ասաց նա:

Շահգալդյանը նշեց, որ իրենք էլ են նոր տեղեկացել դեպքի մասին և դեռևս չգիտեն` ինչ հանգամանքներում է այն տեղի ունեցել:

Նշենք, որ դեպքի մանրամասները պարզելու համար կատարվում է քննություն: