Գագիկ Ծառուկյանն օդանավակայանում ոսկե մեդալ կախեց Միհրան Հարությունյանի վզից

Այս գիշեր հայրենիք են վերադարձել Ռիոյի օլիմպիական խաղերում մեդալներ նվաճած հայ մարզիկները: 

Օդանավակայանում մեր մարզիկներին դիմավորել են ՀՀ վարչապետ Հովիկ Աբրահամյանը, ՀՀ սպորտի և երիտասարդության հարցերի նախարար Գաբրիել Ղազարյանը,  Հայաստանի ազգային օլիմպիական կոմիտեի նախագահ Գագիկ Ծառուկյանն ու պաշտոնատար այլ անձինք:

ՀԱՕԿ նախագահ Գագիկ Ծառուկյանը հունահռոմեական ոճի ըմբիշ Միհրան Հարությունյանի վզից  հանեց արծաթե մեդալը և կախեց ոսկե մեդալ` դրանով ևս մեկ անգամ ցույց տալով, որ Միհրան Հարությունյանը բոլորի համար իրական չեմպիոնն է: 

Հիշեցնենք, որ եզրափակիչ գոտեմարտում մրցավարական բացահայտ կողմանակալության պատճառով Միհրան Հարությունյանը զրկվեց ոսկե մեդալից: