Վթար Ալավերդիում. 1 զոհ, 2 վիրավոր

Լոռու մարզում այսօր ժամը 18:20-ի սահմաններում Ալավերդի քաղաքի Ջրավազան թաղամասի հարակից տարածքում Լոռու մարզի Աքորի գյուղի բնակիչ, 50-ամյա Լյովա Մարտիրոսյանը իր վարած ВАЗ 2106 մակնիշի 34 LQ 816 համարանիշի ավտոմեքենայով ընթանալիս՝ կորցրել է կառավարումը և մի քանի պտույտ գլորվելով՝ կողաշրջվել մայթեզրի երկաթյա ձողերի և դեղատան պատի արանքում: 

Այս մասին հայտնում է shamshyan.com կայքը։

Վթարի հետևանքով, Լ. Մարտիրոսյանը, նրա ուղևորներ, համագյուղացիներ, 71-ամյա Ռոբերտ Թաթոյանը և 55-ամյա Սեյրան Պեպանյանը դեպքի վայր ժամանած շտապօգնության մեքենայով տեղափոխվել են Ալավերդու բժշկական կենտրոն: Ս. Պեպանյանը հիվանդանոցի ճանապարհին գիտակցության չգալով՝ մահացել է: