Կրակոցներ` Ալավերդիում. կա զոհ և վիրավոր

Լոռու մարզի Ալավերդի քաղաքում այս գիշեր կրակոցներ են հնչել. կա զոհ և վիրավոր: Ոստիկանությունից Yerkir.am-ին հայտնեցին, որ ժամը 4:30-ի սահմաններում «Ալավերդի» ԲԿ-ից ոստիկանության բաժին հաղորդում է ստացվել, որ քաղաքի Զորավար Անդրանիկ փողոցի 22 շենքի բակից ձախ բազկի հրազենային վնասվածքով ԲԿ-է տեղափոխվել 1982 թ-ի ծնված երիտասարդ:

Բժշկի տեղեկանքի համաձայն` տուժածն ի վիճակի չի եղել բացատրություն տալու: Ժամը 4:35–ին նույն ԲԿ-ից ահազանգ է սացվել, որ շտապօգնության խումբը նույն հասցերի բակում հայտնաբերել է 1975 թ-ին ծնված Վարդան Ավագյանի դիակը: Դեպքի վայրում հայտնաբերվել են նաև «Մակարով» տեսակի ատրճանակից արձակված պարկուճներ:

Նշանակվել են փորձաքննություններ, դեպքի քննությամբ զբաղվում են Թումանյանի քննչական բաժինը: