Իրանից գազի ներկրումն ավելացնելու նպատակով ստեղծվեց «Էներգաիմպեքս» ՓԲԸ-ն

Կառավարության այսօրվա նիստում հաստատվեց  «Էներգաիմպեքս» ՓԲԸ-ի ստեղծման մասին հարցը, որի բաժնետոմսերը պատկանելու են  Հայաստանի Հանրապետությանը, իսկ Հայաստանի Հանրապետության սեփականություն հանդիսացող բոլոր 100 տոկոս բաժնետոմսերի կառավարման լիազորությունը վերապահվելու է  Հայաստանի Հանրապետության էներգետիկայի և բնական պաշարների նախարարին:

 Ընկերության ստեղծումը հնարավորություն կընձեռի ավելացնել բնական գազի ներկրումը Իրանի Իսլամական Հանրապետության տարածքից՝ առավել արդյունավետ դարձնելով Իրան-Հայաստան գազամուղի օգտագործումը:

Ներքին և արտաքին շուկաներում լրացուցիչ ապրանքային արտադրանքի իրացումը կնպաստի պետական բյուջեի տնտեսական ցուցանիշների և հարկային մուտքերի ավելացմանը: Հայաստանի Հանրապետության և Իրանի Իսլամական Հանրապետության միջև ձեռք բերված պայմանավորվածության արդյունքում իրականացվում է գազի և էլեկտրաէներգիայի փոխանակում: