Սա աննախադեպ էր. Մովսեսի գյուղապետը՝ երեխաների ուղղությամբ արձակված կրակոցների մասին

 Արդեն հայտնել ենք, որ երեկ երեկոյան լարվածություն է նկատվել հայ-ադրբեջանական պետական սահմանի հյուսիսարևելյան հատվածում: Հակառակորդը խոշոր տրամաչափի զինատեսակներից գնդակոծել է Տավուշի մարզի սահմանամերձ Մովսես գյուղը: Մովսեսի գյուղապետ Արարատ Ավալյանը Yerkir.am-ի հետ զրույցում ասաց, որ ժամը մոտավորապես 17:10-ի սահմաններում ադրբեջանական զինուժը կրակ է բացել գյուղի դպրոցի մոտ գտնվող խաղահրապարակում խաղացող երեխաների ուղղությամբ:

«Այս պահին հանգիստ է, կրակոցներ չկան: Ընդհանրապես, դիրքերի ուղղությամբ փոքր տրամաչափի զինատեսակներից կրակոցներ լինում են, բայց սա աննախադեպ բան էր նրանով, որ երեխաների ուղղությամբ են կրակել: Բարեբախտաբար, տուժածներ չկան»,- ասաց գյուղապետը: