Էջմիածնի քաղաքապետի մեքենայի ուղղությամբ արձակված կրակոցների փաստով քրեական գործ է հարուցվել

Հայտնել ենք, որ գիշերն անհանգիստ է եղել Էջմիածին քաղաքում. կրակել են ԱԺ ՀՀԿ խմբակցության պատգամավոր, գեներալ Մանվել Գրիգորյանի որդու՝ Էջմիածնի գործող քաղաքապետ Կարեն Գրիգորյանի մեքենայի ուղղությամբ: Այնուհետև միջադեպի մասնակիցները մեքենաներով հետապնդել են միմյանց, ինչին հաջորդել է ծեծկռտուքը: Արդյունքում`  47-ամյա Արթուր Թումանյանը և Էջմիածնի նախկին քաղաքապետ Հրաչիկ Աբգարյանի եղբորորդին՝  35-ամյա Ստեփան Աբգարյանը, տեղափոխվել են Էջմիածնի բժշկական կենտրոն։

Yerkir.am-ը ՀՀ ոստիկանությունից տեղեկացավ, որ նման ահազանգ ստացվել է: Դեպքի վայր է մեկնել ոստիկանության օպերատիվ խումբը և կատարել անհրաժեշտ գործողություններ: Միջադեպի բոլոր մասնակիցների անունները հայտնի են:

 Yerkir.am-ին ՀՀ քննչական կոմիտեից հայտնեցին, որ կրակոցների վերաբերյալ ՀՀ քննչական կոմիտեի Վաղարշապատի բաժնում հարուցվել է քրեական գործ: Կատարվում է քննություն: