Հռոմի պապի աղոթակցությամբ Սուրբ պատարագին մասնակցում են հսկայական թվով մարդիկ

Մայր Աթոռ Սուրբ Էջմիածնում սկսվել է Սուրբ պատարագը, որը մատուցում է կաթողիկոս Գարեգին Բ-ն` Մայր Աթոռի բաց խորանում` Հռոմի պապի աղոթակցությամբ ու մասնակցությամբ: Մայր Աթոռի բաց խորանը, որը գտնվում է Գևորգյան ճեմարանի հարևանությամբ, կառուցվել է 2001թ Քրիստոնեությունը պետական կրոն հռչակելու 1700 ամյակի առիթով, այստեղ եկեղեցական մեծ արարողություններ են կատարվում, և հենց այս խորանում 2001թ-ին Սուրբ պատարագ մատուցեց պատմության մեջ առաջին անգամ Հայաստան այցելած Հռոմի պապ Հովհաննես Պողոս քահանայապետը:

Խորանին մոտեցան Ամենայն հայոց կաթողիկոս Գարեգին Բ-ն և Հռոմի պապ Ֆրանցիսկոսը` ամպհովանու ուղեկցությամբ: Սուրբ պատարագը սկսվեց «Հայր մեր» աղոթքով: Պատարագի վերջում Հռմի պապ Ֆրանցիսկոսն ու Ամենայն հայոց կաթողիկոսը ուղերձներ են հղելու ժողովրդին:

Նշենք, որ Սուրբ պատարագին մասնակցում են հսկայական թվով մարդիկ: