Ալիևը Պուտինին ասել է իր պայմանը

Ղարաբաղյան հակամարտությունում ստատուս քվոն պետք է հաղթահարել, սակայն այդ նպատակով հարկավոր է հայկական զորքերը դուրս բերել այդ տարածքից. ըստ РИА Новости-ի` հայտարարել է Ադրբեջանի նախագահ Իլհամ Ալիևը ՌԴ նախագահ Վլադիմիր Պուտինի հետ հանդիպման ժամանակ:

«Հակամարտությունը ձգձգվել է, ինչպես հայտարարել են Ռուսաստանը և ՄԽ մյուս համանախագահները, ստատուս քվոն անընդունելի է: ՄԵնք այդ հայտարարությանը լիովին հավանություն ենք տալիս: Սակայն ստատուս քվոն փոխելու համար հարկավոր է Ադրբեջանի տարածքների ապաօկուպացում, որը ձգվում է ավելի քան 20 տարի»,- ասել է նա` հավելելով, որ հույս ունի, որ կառուցողական դինամիկա կհաղորդվի բանակցային գործընթացին, որը «վերջին 2 տարիներին գործնականում չկար»:

Ալիևը նաև շնորհակալություն է հայտնել Պուտինին եռակողմ հանդիպման, նաև հակամարտության կարգավորման գործում Ռուսաստանի դերակատարության համար: