Ադրբեջանի պաշտպանության նախարարը մեկնել է Թուրքիա

Մայիսի 30-ին Ադրբեջանի պաշտպանության նախարար գեներալ-լեյտենանտ Զաքիր Հասանովն ադրբեջանական պատվիրակության հետ մեկնել է Թուրքիա: 

Ըստ Haberler-ի՝ Հասանովը  ներկա է լինելու Իզմիր քաղաքում ընթացող «Efes-2016» միջազգային զորավարժությունների եզրափակիչ փուլին:

Մայիսի 15-ին մեկնարկած զորավարժություններին մասնակցում են 9 երկրների զինվորական պատվիրակություններ: Ադրբեջանը զորավարժություններին մասնակցում է 30 հոգանոց անձնակազմով: Դրանք ավարտվելու են հունիսի 1-ին:

Զորավարժություններին ներկա են գտնվել նաև Թուրքիայի նախագահ Ռեջեփ Թայիփ Էրդողանը, նոր վարչապետ Բինալի Յըլդըրըմը, Թուրքիայի զինված ուժերի գլխավոր շտաբի պետ, բանակի գեներալ  Հուլուսի Աքարն ու պաշտպանության նոր նախարար Ֆիքրի Ըշըքը: