Էներգետիկայի ոլորտում կան ռեսուրսներ, որոնք մոտակա ժամանակներում կկրճատվեն. նախարար

ՀՀ էներգետիկայի եւ բնական պաշարների նախարար Լեւոն Յոլյանից լրագրողները հետաքրքրվեցին պետական ապարատի կրճատման մասին: Նախարարը նշեց, որ էներգետիկայի ոլորտում կան ռեսուրսներ, որոնք մոտակա ժամանակներում կկրճատվեն:

«Հիմա կառուցվածքային փոփոխություններն ենք նայում: Չեմ կարծում, որ շատ մեծ, բայց որոշ տոկոս կկրճատենք»,- ասաց Լեւոն Յոլյանը՝ հավելելով, որ երեք շաբաթ հետո իր ասելիքը դրա վերաբերյալ կներկայացնի:

Ինչ վերաբերում է գազի հավելագրումների վերաբերյալ բողոքներին, նախարարը նշեց. «Ես ձեզ խնդրեցի ընդամենը հետեւյալը՝ տվեք կոնկրետ հասցե, կոնկրետ հավելագրման դեպք, «Գազպրոմ»-ի հետ միասին կվերլուծենք, կասենք: Իսկ դուք խոսում եք երեւույթի մասին, որը ես չեմ կարող հիմա մեկնաբանել»: