Թուրքիան խոշոր ներդրումներ է կատարելու էներգետիկայի ոլորտում

Մոսկվայում կայացած ռուս-թուրքական բիզնես ֆորումի ժամանակ Թուրքիայի վարչապետ Ռեջեփ Թայիփ Էրդողանը հայտարարել է, որ Թուրքիան պատրաստվում է խոշոր ներդրումներ կատարել էներգետիկայի ոլորտում:

«Էներգետիկայի ոլորտում տարեկան կատարելու ենք 5 միլիարդ դոլարի ներդրում, ինչը շատ պատեհ առիթ է ռուսական ընկերությունների համար: Բացի այդ` դա մեծ հնարավորություններ է ընձեռում նաև ռուսական և թուրքական ընկերություններին` հետագա համագործակցության համար»,- ասել է Էրդողանը:

Ավելի վաղ Թուրքիայի վարչապետը հանդիպել է ՌԴ նախագահ Դմիտրի Մեդվեդեւի հետ եւ, ի թիվս այլ հարցերի, քննարկել ռուսական ընկերությունների կողմից Թուրքիայում կառուցվելիք ատոմակայանի հարցը. տեղեկացնում է «Ջիհան» գործակալությունը: