Նախագահը ՊՆ 3 բարձրաստիճան պաշտոնյաների ազատել է պաշտոնից

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված`Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգի 125-րդ կետը`  ՀՀ նախագահ Սերժ Սարգսյանը որոոշում է կայացրել՝

Ալիկ Միրզաբեկյանին ազատել ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետի պաշտոնից, գեներալ-մայոր Արշակ Կարապետյանին ազատել ՀՀ զինված ուժերի գլխավոր շտաբի հետախուզության վարչության պետի պաշտոնից,  գեներալ-մայոր Կոմիտաս Մուրադյանին ազատել ՀՀ զինված ուժերի կապի զորքերի պետ–կապի և ավտոմատացված կառավարման համակարգերի վարչության պետի պաշտոնից։ Այս մասին տեղեկանում ենք նախագահի պաշտոնական կայքից: