Արցախյան մարտերի մասին` Քարդաշյան քույրերի գրառումը տեսել է 175 միլիոն մարդ

«Արդյո՞ք Քիմ և Քլոե Քարդաշյանների` աղոթելու մասին Twitter-յան գրառումները կանխեցին հայ-ադրբեջանական պատերազմը: Իհարկե` ոչ: Սակայն Twitter-ում և Intsragram-ում հետևորդների մեծ թիվ ունեցող ռեալիթի շոուի աստղերը շուրջ 175 միլիոն մարդու համար լույս սփռեցին Լեռնային Ղարաբաղի Հանրապետությունում տիրող բռնության վրա»,- գրում է կանադական Global News-ը:

«Երբ խոսում են գլոբալ հակամարտությունների մասին, օրինակ` Սիրիայում պատերազմի կամ Ուկրաինայի իրադարձությունների, Լեռնային Ղարաբաղի վրա առանձնապես մեծ ուշադրություն չի սևեռվում: Սակայն երկար տարիներ շարունակ այն չի հանդարտվում»,-նշում է կայքը՝ ներկայացնելով վերջին բախումների հետևանքները:

Հիշեցնենք, որ վերջին մարտերի վերաբերյալ Քարդաշյան քույրերն ու Ռոբերտ Քարդաշյանը հայ զինվորների լուսանկարով կոչ էին տեղադրել` աղոթել Հայաստանի համար, ինչն ադրբեջանցիների շրջանում հիստերիա էր բարձրացրել: