Երևանում կրակել են 25-ամյա երիտասարդի վրա ու թողել հիվանդանոցի բակում

Երեւանում փետրվարի 28-ի լույս 29-ի գիշերը կրակոցներ են հնչել: Ոստիկանությունից yerkir.am-ին հայտնեցին, որ «Սուրբ Գրիգոր Լուսավորիչ» բժշկական կենտրոնից ահազանգ է ստացվել, որ հրազենային վնասվածքով իրենց մոտ է տեղափոխվել 25-ամյա մի երիտասարդ: Պարզվել է, որ հրազենային վնասվածք ստացած քաղաքացին Երևան քաղաքի Նոր Արեշի բնակիչ Արթուր Գևորգյանն է:

Նախնական տեղեկություններով՝ դեպքը տեղի է ունեցել Ավանի հոգեբուժարանի ճանապարհին, անհայտ անձինք հրազենային վնասվածք ստացած երիտասարդին բերել, թողել են «Սուրբ Գրիգոր Լուսավորիչ» բժշկական կենտրոնի բակում և հեռացել: Դեպքի հանգամանքները պարզելու համար քննություն է ընթանում: