Վարդան Օսկանյանն ունի կուսակցություն հիմնելու բոլոր իրավունքները. Ստեփան Մարգարյան

ԲՀԿ-ից դուրս եկած պատգամավոր Վարդան Օսկանյանն ունի կուսակցություն հիմնելու բոլոր իրավունքները. այսօր խորհրդարանում լրագրողներին ասաց ԱԺ ԲՀԿ խմբակցության պատգամավոր Ստեփան Մարգարյանը:

«Ես կարծում եմ, որ պարոն Օսկանյանն այնքան գիտակ է Հայաստանի ներքին կյանքին, արտաքին հարաբերություններին և, ընդհանրապես, իրավիճակին, որ բոլոր իրավունքներն ունի կուսակցություն ստեղծելու»,- ասաց նա:

Ստեփան Մարգարյանն ընդգծեց, որ ինքը միայն ու միայն կողջունի Օսկանյանի` կուսակցություն հիմնելու հանգամանքը: Ի դեպ, չբացառեց, որ կհամալրի այդ կուսակցության շարքերը, միայն ընդգծեց, որ հստակ կասի այն ժամանակ, երբ Օսկանյանը գոնե կհայտարարի կուսակցություն ստեղծելու մասին: