Վարդան Օսկանյանն արդեն Վիլնյուսում է

«Երեկ լուրեր էին պտտվում, թե Վարդան Օսկանյանը Վիլնյուս է մեկնելու Սերժ Սարգսյանի օդանավով: Մեր հարցմանն ի պատասխան, պարոն Օսկանյանն այնքա՜ն «լայն» ժպտաց, որ նույնիսկ հեռախոսի միջից այդ ժպիտը «երեւաց»,- գրել է «Հրապարակը»: Նա տեղեկացրեց, որ ինքն արդեն Վիլնյուսում է, ժամանել է նախորդ գիշեր եւ արդեն իսկ հանդիպումների մեջ է: Հարցին` լիտվական կողմը, ի դեմս խորհրդարանի փոխխոսնակ Գեդիմիանս Կիրկիլասի, իրեն հրավիրել է որպես ՀՀ խորհրդարանական ընդդիմությա՞ն ներկայացուցիչ, թե՞ որպես նախկին արտգործնախարար, պարոն Օսկանյանն ասաց, որ այս պահին ինքը կարեւոր հանդիպման  է, երբ ավարտի, կպատասխանի հարցին: Օրվա վերջում արդեն անհասանելի էր: