Էրդողանի որդին 20 միլիոն դոլար է խոստացել Բուլղարիայում թուրքական կուսակցություն հիմնելու համար

Բուլղարական Yukehg շաբաթաթերթը մանրամասներ է ներկայացրել Բուլղարիայի «Իրավունք և ազատություններ» շարժման նախկին թուրք նախագահ Լյութֆի Մեսթանիի մասին:

Ըստ Gazeteport-ի՝ Թուրքիայի նախագահ Ռեջեփ Թայիփ Էրդողանի որդին՝ Բիլալ Էրդողանը, հանդիպել է Լյութֆի Մեսթանիի հետ՝ նրան առաջարկելով Թուրքիայի շահերը ներկայացնող կուսակցություն ստեղծել։ Նա կուսակցություն հիմնելու համար խոստացել է 20 մլն դոլար, ամսական` 1 միլիոն, հատկացնել Թուրքիայի նախագահի աշխատակազմի փակ հաշվեհամարից։

Yukehg հիշեցրել է նաև, որ Բիլալ Էրդողանի անունը շոշափվում է ԻՊ-ի հետ նավթի առևտրի վերաբերյալ բացահայտումներում:

Հիշեցնենք, որ ավելի վաղ Բուլղարիայի խորհրդարանում հանձնաժողով էր ստեղծվել՝ ուսումնասիրելու Բուլղարիայի ներքին գործերին Թուրքիայի միջամտության մասին փաստերը: