Հայաստանը «Եվրիմաժ»-ի անդամ դարձավ

Yerkir.am-ի տեղեկություններով` հունվարի 28-ին Ստրասբուրգում տեղի ունեցած համաժողովի ժամանակ ընդունվել է «Եվրիմաժ»-ի անդամ դառնալու` հայկական հայտը: 

Ավելի վաղ Հայաստանի ազգային կինոկենտրոնի տնօրեն Գևորգ Գևորգյանը տեղեկացրել էր, որ «Եվրիմաժ»-ը եվրոպական ամենամեծ ֆինանսավորող կառույցն է և ֆինանսական մի շարք հարցեր կլուծի: Բացի այդ` բոլոր այն երկրները, որոնք «Եվրիմաժ»-ի անդամ են, համատեղ արտադրության հնարավորություն ունեն:

«Եվրիմաժ»-ին Հայաստանի անդամակցության կապակցությամբ արդեն երեք տարի է, ինչ բանակցություններ են վարում:

Ի դեպ, «Եվրիմաժ»-ի անդամ 37 երկրների շարքում են նաև Ռուսաստանը, Վրաստանև ու Թուրքիան: