Սահմանամերձ համայքներում խմելու ջրի պահպանման նպատակով գիշերային վերահսկողություն կսահմանվի

Այսօր կառավարության նիստում ՀՀ ՏԿԱԻ նախարար Արմեն Երիցյանը ներկայացրեց որոշում` քաղաքացիական պաշտպանության գործառույթներն իրականացնող կառույցների գործունեությունը մեկ մարմնի ղեկավարման ներքո ապահովելու նպատակով ներկայացվող օրենքների նախագծերով քաղաքացիական պաշտպանության ստորաբաժանումների կառավարման իրավասությունները վերապահվում են ՀՀ ՏԿԱԻ նախարարությանը:  Միաժամանակ, իրավասությունների վերաբաշխման նպատակով փոփոխություներ ու լրացումներ են կատարվել մի շարք օրենքներում:

«Օրենքն այն մասին է, որը մենք պետք է սահմանամերձ համայնքներում խմելու ջրի պահպանությունը կատարենք գիշերվա ժամերին` սահմանելով հերթապահ ծառայություններ: Օգտվելով առիթից` ուզում եմ իմ խորին շնորհակալությունը հայտնել ՀՀ գլխավոր դատախազին, քանի որ նախաձեռնությունը նրանն է եղել, մենք միասին ենք այս փաստաթուղթը պատրաստել»,- ասաց նախարարը: