Պեսկովը պատասխանել է Դավութօղլուին

Անկարան չօգտվեց թուրքական և ռուսական ուժերի միջև արդեն գոյություն ունեցող կապի ալիքներից: Այդ մասին, ըստ ТАСС-ի, ասել է ՌԴ նախագահի մամուլի քարտուղար Դմիտրի Պեսկովը` ի պատասխան Թուրքիայի վարչապետի հայտարարության:

«Կապի ռազմական ալիքներ մեր զիվորականների միջև առկա էին, և դրանք կոչված էին այնպիսի ողբերգություններ կանխելուն, որի նմանը տեղի ունեցավ: Այդ ալիքները չաշխատեցին և ոչ` ռուսական կողմի մեղքով»,- ասել է Պեսկովը` հավելելով, որ դա տեղի ունեցավ միտումնավոր կամ ոչ միտումնավոր:

Ավելի վաղ Թուրքիայի վարչապետ Ահմեդ Դավութօղլուն կոչ է արել Ռուսաստանի հետ ռազմական կապի ալիք ստեղծել` կանխելու համար ռուսական ինքնաթիռի հետ տեղի ունեցած միջադեպերի կրկնությունը: