Ադրբեջանական կայքը զուգահեռներ է անցկացնում Հայաստանում և Ադրբեջանում կանխված հանցագործությունների միջև

Ադրբեջանական Haqqin.az-ը հոդված է հրապարակել, որում փորձել է զուգահեռներ անցկացնել Նորք-Մարաշում և ադրբեջանական Նարդարանում անցկացված հատուկ գործողությունների (այդ մասին տեղեկացրել ենք) միջև:

«Զարմանալի է, սակայն մեկ օրվա տարբերությամբ Երևանում և Բաքվում զանգվածային հատուկ գործողություն է իրականացվում: Իրավապահների համաձայն՝ Նարդարանում ձերբակալվել է ծայրահեղական խմբավորման 15 անդամ, Երևանում՝ 21:

Նման են նաև հանցագործների նպատակները՝ ահաբեկչություններ և պաշտոնյաների սպանություններ: Երկու երկրների քաղաքական գործիչները չեն բացառում, որ հնարավոր է` հանցախմբերը ֆինանսավորվել են արտերկրից:

Դեռ պարզ չէ՝ որքանո՞վ է ճիշտ զուգահեռներ անցկացնել Երևանում և Նարդարանում կատարված դեպքերի միջև, սակայն ակնհայտ է, որ երկուսն էլ ուղղված են եղել երկրներում իրավիճակի ապակայունացմանը: Իսկ արդյո՞ք գործողությունները համակարգվել են միևնույն կենտրոնից, թե՞ տարբեր, պետք է պարզի հետաքննությունը»,- գրում է պարբերականը: