Սու-24-ի խոցման մասին Էրդողանի ծայրահեղ հակասական հայտարարությունները՝ 3 ժամվա տարբերությամբ

Թուրքական T24 կայքն անդրադարձել է Սու-24-ի խոցման մասին երկրի նախագահ Էրդողանի ծայրահեղ հակասական երկու հայտարարություններին, որոնք արվել են 3 ժամ տարբերությամբ:

Տեսանյութի սկզբում նոյեմբերի 26-ին Էրդողանի ունեցած ելույթն է ցուցադրվում. նա հայտարարում է. «Եթե նույն խախտումն այսօր լինի, Թուրքիան դարձյալ նույն կերպ կվարվի»: Այնուհետև ցուցադրվում է Էրդողանի՝ 3 ժամ անց ելույթը՝ France 24-ի եթերում, ուր նա ասում. «Եթե մենք իմանայինք, որ ինքնաթիռը ռուսական է, գուցե մեր զգուշացումն այլ կերպ անեինք»:

Անգամ թուրքերն են փորձում տրամաբանական որևէ կապ գտնել իրենց նախագահի՝ 3 ժամ տարբերությամբ  արված ծայրահեղ հակասական հայտարարությունների միջև:

Ի դեպ, հիշեցնենք, որ Թուրքիայի վարչապետ Դավութօղլուն հայտնել էր, որ ռուսական ինքնաթիռը խոցելու վերաբերյալ հրահանգն անձամբ ինքն էր տվել:

Տեսանյութն՝ այստեղ: