Դավութօղլուն սկանդալային հայտարարություն է արել քուրդ երիտասարդի դաժան սպանության վերաբերյալ

Թուրքիայի վարչապետ Ահմեդ Դաութօղլուն  արձագանքել է Շըրնաքում քուրդ երիտասարդի սկանդալային սպանությանը: Չդատապարտելով կատարվածը՝ նա իր հերթին է սկանդալային հայտարությամբ հանդես եկել: Ըստ Demokrathaber-ի՝ Դավութօղլուն ասել է, որ այդ լուսանկարն ու տեսանյութն առաջին անգամ տեսել է «Ֆեյսբուք»-ում:

«Մենք հավանություն չենք տալիս Շըրնաքում ոստիկանների վրա հարձակված և արդյունքում ոչնչացված` ահաբեկչական կազմակերպության անդամի վերաբերյալ տեսարաններին»,- հայտարարել է նա:

Դավութօղլուի խոսքով՝ համապատասխան հրահանգներ տրվել են իրավական հետաքննության համար: Նա նաև գովասանական և պաշտպանողական մի շարք հայտարարություններ է արել թուրքական ոստիկանության մասին՝ կրկնելով, որ իբր ահաբեկչական կազմակերպությունների դեմ գիշեր-ցերեկ աշխատանքներ տանող և այդ ընթացքում որևէ քաղաքացու չվնասելու ջանքեր գործադրող ոստիկանների համար նման երևույթներն անընդունելի են:

«Թուրքիան իրավական շրջանակներում շարունակելու է ահաբեկչության դեմ իր պայքարը»,- եզրափակել է խոսքը Դավութօղլուն: