Հոկտեմբերի 8-ը սահմանվեց որպես Քննչական կոմիտեի ծառայողի օր

Այսօր կառավարության նիստում որոշվեց, «ՀՀ տոների և հիշատակի օրերի մասին» օրենքի համաձայն, հոկտեմբերի 8-ը նշել որպես Քննչական կոմիտեի ծառայողի օր:

«ՀՀ տոների և հիշատակի օրերի մասին» օրենքի 18-րդ հոդվածը սահմանում է, որ Հայաստանի Հանրապետությունում կառավարության որոշմամբ կարող են նշվել նաև մասնագիտական և այլ տոներ ու հիշատակի օրեր: Հայաստանի Հանրապետության և արտասահմանյան մի շարք երկրների օրենսդրությունների ուսումնասիրությունից պարզ է դառնում, որ, որպես մասնագիտական տոն, նշվում են դատախազության աշխատողի, հատուկ քննչական ծառայության աշխատողի, արտակարգ իրավիճակների աշխատողի և այլ մասնագիտական տոներ:

Ռուսաստանի Դաշնությունում 2014 թվականից հուլիսի 25-ը նշվում է որպես քննչական մարմինների աշխատակիցների օր: Նախագծի ընդունման նպատակն է, որպեսզի, ի թիվս այլ պետական մարմինների, Հայաստանի Հանրապետությունում նշվի քննչական կոմիտեի ծառայողի օր: