Բաքու փախած Վահան Մարտիրոսյանը հետախուզման մեջ է

Երեկ ադրբեջանական լրատվամիջոցները հրապարակեցին, որ «Ներազգային ազատագրական շարժման» ղեկավար Վահան Մարտիրոսյանը Արբեջանից քաղաքական ապաստան է խնդրել: Այս տեղեկությունը պաշտոնապես ՀՀ ԱԱԾ-ից ճշտել չի հաջողվում, քանի որ հիշյալ կառույցում մեր հեռախոսազանգերին չեն պատասխանում: Ուշագրավ է, որ Վահան Մարտիրոսյանը սեպտեմբերի 9-ից գտնվում է հետախուզման մեջ:

Yerkir.am-ին ՀՀ քննչական կոմիտեից հայտնեցին, որ Մարտիրոսյանի նկատմամբ հարուցվել է քրեական գործ՝ ՀՀ քրեական օրենսգրքի 177-րդ հոդվածի 2-րդ մասի 2-րդ կետի հատկանիշներով (խոշոր չափերով գողություն): Այս գործի շրջանակներում որոշում է կայացվել Վահան Մարտիրոսյանին որպես մեղադրյալ ներգրավել:

Հետաքրքիր է` ի՞նչ պետք է պատճառաբանեն պատկան մարմինները, երբ հետախուզման մեջ գտնվող քաղաքացին անարգել լքում է երկիրը, ավելին՝ ապաստան է խնդրում Հայաստանի հետ թշնամական հարաբերություններ ունեցող Ադրբեջանից: