Հայտնաբերեցին կիսաքանդ շինությունում

Ոստիկանության Մուշի բաժնի ծառայողները Գյումրիի Պուշկինի փողոցի թիվ 63 հասցեում գտնվող կիսաքանդ շինությունից, թմրանյութ պատրաստելու և պահելու կասկածանքով, բերման են ենթարկել 1988 թ. ծնված Խաչատուր Բ.-ին և 1991 թ. ծնված Ռոբերտ Հ.-ին:

Զննությամբ նշված կիսաքանդ շինությունից հայտնաբերվել է էմալապատ աման՝ շագանակագույն նստվածքով, 400 գ բուսական զանգվածի ցողուն և 4.7 գ մանրացված բուսական զանգված: 

Խաչատուր Բ.-ն հայտարարել է, որ ինքը թմրամոլ է, հայտնաբերվածը պատկանում է իրեն, իսկ բուսական զանգվածները քաղել է Գյումրիի ավտոկայանի տարածքի կանեփի թփերից:

Նշանակվել է դատաքիմիական փորձաքննություն:
Կատարվում է հետաքննություն: