Երեկ ինքնասպանության փորձ կատարած 23-ամյա աղջիկը «Կյանքի խոսք»-ի հետևո՞րդ է

Արդեն հայտնել ենք, որ օգոստոսի 30-ին` ժամը 21.23-ին, ահազանգ է ստացվել, որ հոգեպես անհավասարակշիռ վիճակում գտնվող քաղաքացին փորձում է ինքնասպանություն գործել` ցած նետվելով Երևանի Հալաբյան փողոցի թիվ 13 շենքի 2-րդ հարկի բնակարաններից մեկից: Մինչ հրշեջ-փրկարարների` կանչի վայր հասնելը՝ 1992 թ. ծնված Հ. Հ.-ի ինքնասպանության փորձը կանխվել է ոստիկանների կողմից: 

Պարզվել է, որ Հ. Հ.-ը գտնվում է հոգեպես անհավասարակշիռ վիճակում, նա հոսպիտալացվել է «Ավան» հոգեբուժական կլինիկա:

Yerkir.am-ի տեղեկություններով՝ ինքնասպանության փորձ կատարած աղջիկը հարել է «Կյանքի խոսք» աղանդին: Իրավապահները հիշյալ տանից հայտնաբերել են «Կյանքի խոսք» աղանդի դպրոց ընդունվելու վերաբերյալ հարցաթերթիկ: