Էրդողանը «Պալատ TV» է հիմնում՝ ընտրություններում իր կուսակցության քարոզչությունն անելու նպատակով

Թուրքիայի նախագահ Ռեջեփ Թայիփ Էրդողանը նոր մտահղացումներով է հանդես գալիս` ընտրություններում ձայների մեծամասնությունը հավաքելու համար:

Zaman պարբերականի տեղեկությունների համաձայն՝ Էրդողանը «Saray TV» (իր նստավայրի՝ Սպիտակ պալատի պատվին) անունով նոր հեռուստաալիք է ստեղծում՝ ընտրություններից առաջ «Արդարություն և զարգացում» կուսակցության  քարոզարշավն ըստ արժանվույն իրականացնելու համար: Նորաբաց հեռուստաալիքը կսկսի գործել մեկ ամսից. 24 ժամ կհեռարձակվեն Էրդողանի ելույթներն ու հանդիպումները քաղաքապետերի, նահանգապետերի և այլ ղեկավարների հետ:  

Նշվում է նաև, որ հեռուստաալիքի տնօրեն կնշանակվի Թուրքիայի պետական հեռուստաալիք TRT-ի տնօրեններից մեկը: