Թուրք ազգայնամոլները հայտնի իրավապաշտպանին սպառնացել են կրկնել 1915-ը

Տեղեկացրեցինք, որ Թուրքիայում մարդու իրավունքների պաշտպանները դատի են տվել «Ազգային շարժում» կուսակցությաքն ղեկավար Դևլեթ Բահչելիին՝  Ժողովուրդների հանրապետական կուսկացության օգտին քվեարկողներին աննամուս անվանելու համար:

Demokrathaber-ը տեղեկացնում է, որ ազգայնամոլների մի խումբ այդ կապակցությամբ Twitter-ում սպառնալիքներ է հնչեցրել իրավաբանների միության անդամ Էրեն Քեսքինին: Ազգայնամոլները փաստաբանուհուն «հայի բիճ», «աննկարագիր, վամպիր հրեա» են անվանել:

Օգտատերերից մեկը գրել է.«Թուրքի երկրում դատապարտված եք թուրքերեն խոսել, խղճուկներ, 1915-ը, վաղ թե ուշ, կրկնվելու է»:

Մյուս կողմից մի խումբ գիտակից երիտասարդներ նոր շարժում են սկսել՝ փաստաբանուհուն աջակցելու նպատակով: Նրանք հեշթեգեր են տեղադրել, գրելով՝  «Էրեն Քեսքինը միայնակ չէ»: