Զիմբաբվեի ամենահայտնի առյուծի սպանության մեջ կասկածում են ամերիկացի զբոսաշրջիկի

Զիմբաբվեի երկու բնակիչ  կկանգնեն դատարանի առջեւ ` այդ երկրի ամենահայտնի առյուծին` զբոսաշրջիկների սիրելի Սեսիլին սպանելու համար:  Միեւնույն ժամանակ տեղի  բնապահպանները հայտարարւոմ են, որ «սպանության պատվիրատուն» ամերիկացի զբոսաշրջիկն է:

 Այս գործով մեղադրվում են պրոֆեսիոնալ որսորդ Թեո Բրոնքհորսթը եւ ագարակատեր Օնեստ Թրայմոր Նդլովը:  Քննիչների կարծիքով  նրանք հանցավոր համաձայնության են եկել եւ առանց արտոնագրի որսի գնացել: Այժմ նրանք մեղադրվում են որսագողության մեջ:

Իսկ բնապահպանների կարծիքով ամերիկացին այդ երկուսին վճարել  է 55 հազար դոլար` իր հետ գիշերային որսի գնալու համար:

Զիմբաբվեի ամենահայտնի առյուծի սպանության մասին հայտնի դարձավ հուլիսի 27-ին: Նրան նախ նետահարել էին, ապա սպանել հրազենով: Վերջում առյուծին գլխատել էին ու մաշկազերծել: