«Ոտքի Հայաստան» նախաձեռնության անդամները դարձյալ փորձում են նստել

«Ոտքի Հայաստան» նախաձեռնության անդամները, այսօր դարձյալ փորձել են նստել Հանրապետության հրապարակի բանուկ խաչմերուկներում: Նախ նրանք նստել են  Կառավարության շենքին հարակից Տիգրան Մեծ պողոտայի` երթեւեկելի հատվածում, ապա`Ամիրյան–Կողբացի խաչմերուկում: Այստեղից ոստիկանները նրանց քաշքշելով  դուրս են բերել:

Նշենք, որ «Ոտքի Հայաստան» -ի անդամները հայտարարել են, որ հուլիսի 27-ից 72-ժամյա նստացույց են սկսում, բայց  ոստիկանները նրանց թույլ չեն  տալիս մոտենալ հրապարակի կենտրոնի գորգին։ Անցած գիշեր ակտիվիստները մնացել են  Հանրապետության հրապարակում։ Իսկ  առավոտյան վերսկսել են իրենց բնորոշած «անհնազանդության ակցիաները»։