35 միլիոն դրամով կհիմնանորոգվի Մուսա լեռան հերոսամարտի հուշահամալիրը

Կառավարության այսօրվա նիստին որոշում կայացվեց 35 միլիոն դրամ տրամադրել ՀՀ պաշտպանության նախարարությանը: Գումարն անհրաժեշտ է Արմավիրի մարզի Բաղրամյանի գյուղական համայնքի վարչական սահմաններում գտնվող Մուսա լեռան հերոսամարտի հուշահամալիրի հիմնանորոգման և բարեկարգման աշխատանքներն իրականացնելու նպատակով:

Բաղրամյանի գյուղական համայնքի վարչական սահմաններում գտնվող «Սարդարապատի հերոսամարտի հուշահամալիր, Հայոց ազգագրության և ազատագրական պայքարի պատմության ազգային թանգարան» ՊՈԱԿ-ի «Մուսա լեռան հերոսամարտի և մուսալեռցիների ազգագրության թանգարանի» մասնաճյուղը գտնվում է անմխիթար վիճակում և հրատապ հիմնանորոգման կարիք ունի: Խնդիրը հատկապես կարևորվում է այն հանգամանքով, որ 2015 թվականի սեպտեմբերին լրանում է Մուսա լեռան հերոսամարտի 100-ամյակը, և նախատեսվում է իրականացնել մշակութային և այլ հոբելյանական միջոցառումներ: