Սունդուկյանի անվան թատրոնը կհիմնանորոգվի

Սունդուկյանի անվան ազգային ակադեմիական թատրոնը վերջապես այս տարի կհիմնանորոգվի:

Yerkir.am-ի հետ զրույցում թատրոնի տնօրեն Ստեփան Դավթյանը նշեց, որ, նախնական հաշվարկների համաձայն, 7-8 մլն եվրո կտրամադրվի թատրոնի վերանորոգման համար:

«Մեր պետությունն այն վիճակում չէ, որ անընդհատ գումար ուզենք, պետք է լինի, որ ուզենք, իմ ընտանիքին էլ ինձնից է ուզում, բոլորից էլ ուզում են, է, որտեղի՞ց անընդհատ տանք: Թատրոնի վերանորոգման համար արդեն հաշվարկներ են արվել, հունիսի սկզբներին պետք է համապատասխան այնպիսի կազմակերպություն գտնենք, որի հետ էլ վերջնականապես պայմանագիր կկնքենք` այդ աշխատանքներն իրականացնելու համար»,- ասաց Դավթյանը:

Նա տեղեկացրեց նաև, որ հնարավոր է` նույնիսկ նոյեմբեր ամսից էլ սկսվեն աշխատանքները: Դավթյանը նշեց, որ այդ ընթացքում թատերախումբը ներկայացումներով հանդես կգա այլ թատրոնների բեմերում, ինչպես նաև մարզերում:

«Ուզում ենք մարզեր գնալ, որը շատ ավելի կարևոր է, քանի որ մեր մարզերն այսօր հանգում են»,- ասաց նա: