Նաիրիտցիների աշխատավարձերը կսկսեն բաժանել 2-3 օրից. նախարար

Այսօր լրագրողները էներգետիկայի և բնական պաշարների նախարար Երվանդ Զախարյանին հարց ուղղեցին նաիրիտցիների աշխատավարձերի պարտքի վճարման մասին:

Հիշեցնենք, որ նաիրիտցիները համաձայն չէին, որ կառավարությունը մաս-մաս վճարի իրենց աշխատավարձերը, որովհետև չէին հավատում, որ բոլորն, ի վերջո, կստանան իրենց աշխատավարձերը: Իսկ կառավարությունը նշել էր, որ եթե նաիրիտցիներն ուզում են, որ բոլորի աշխատավարձերը միանգամից վճարվեն, ուրեմն պետք է սպասեն 10-15 օր:

Երվանդ Զախարյանն այսօր լրագրողներին ասաց. «Աշխատավարձերը կսկսենք  բաժանել արդեն մի քանի օրից: Նաիրիտցիներն անհանգստանալու առիթ չունեն. աշխատավարձերը կվճարվեն 2-3 օրից»: