Գազալցակայանում ինքնասպանություն գործած աշխատակիցը անչափահաս երեխաների հայր էր

Հայտնել ենք, որ երեկ առավոտյան Արարատի մարզի Դարակերտ գյուղում գտնվող «Սոլիան» ՍՊԸ-ի գազալցակայանում կախված վիճակում հայտնաբերվել է գազալցակայանի աշխատող` 40-ամյա Յուրի Բադալյանը: Նա Արարատի մարզի Հայանիստ գյուղից էր:

Yerkir.am-ի հետ զրույցում Հայանիստի գյուղապետ Բալաբեկ Սարկիսյանը հայտնեց, որ տղամարդն ամուսնալուծված էր, ուներ երկու անչափահաս երեխա՝ 10 և 12 տարեկան տղա և աղջիկ:

Գյուղապետը նշեց, որ Բադալյանն ապրում էր ծնողների հետ, տան միակ աշխատողն էր: Դեռևս հայտնի չէ տղամարդու ինքնասպանության պատճառը, սակայն գյուղում խոսում են, թե նա սեր ուներ խմիչքի հետ, և չի բացառվում, որ հենց դրա ազդեցության տակ էլ նման քայլի է դիմել:

Նշենք, որ փաստի առթիվ Մասիսի քննչական բաժնում նյութեր են նախապատրաստվում: