Ժողովրդի մեջ, ի դեմս «Նախախորհրդարան»-ի եւ Արգիշտի Կիվիրյանի, խառնակիչներ կան. Հունան Պողոսյան

Փոխոստիկանապետ Հունան Պողոսյանը քիչ առաջ Բաղրամյան պողոտայում հայտարարեց, որ այս պահին ժողովրդի մեջ խառնակիչներ կան՝ ի դեմս «Նախախորհրդարան»-ի եւ Արգիշտի Կիվիրյանի:

Նա հայտարարեց, որ թեեւ վերջիններս չեն ակտիվություն չեն ցուցաբերում, բայց ընդհատակյա աշխատանք են անում: Երեւանի ոստիկանապետ Վալերի Օսիպյանը եւս հայտարարեց, որ ժողովրդի մեջ սադրիչներ կան: Նա հորդորեց, որ հղիները եւ անչափահասները լքեն տարածքը, քանի որ, եթե ամբողջությամբ չազատվի պողոտան, ոստիկանությունը օրենքով սահմանված կարգով կատարելու է իր գործողությունները:

Նշենք, որ այս պահին, ինչպես փոխանցում է մեր թղթակիցը, ոստիկաններ են շրջում ցուցարարների մեջ եւ հորդորում անչափահասներին լքել տարածքը:

Հիշեցնենք, որ այսօր կեսօրին Նախախորհրդարանի ղեկավար Ժիրայր Սեֆիլյանը ցուցադրաբար եկավ Բաղրամյան պողոտա: Նախորդ օրերին նա պասիվ էր: