Հայաստանում գրանցված երկրաշարժին հաջորդել է հետցնցում

Ինչպես արդեն տեղեկացրելէինք,այսօր առավոտյան երկրաշարժ էր գրանցվել հայ-թուրքական սահմանին:

Տեղական ժամանակով ժամը 16.36-ին երկրաշարժին հաջորդել է 2.8 մագնիտուդով ևս մեկ հետցնցում, որի ուժգնությունը էպիկենտրոնում կազմել է 3-4 բալ:  

Հիշեցնենք, որ հունիսի 21-ին, տեղական ժամանակով ժամը 00.15-ին  ՀՀ ՏԿԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 40.990 և արևելյան երկայնության 43.500 աշխարհագրական կոորդինատներով (Թուրքիա-Հայաստան սահմանային գոտի), օջախի 10 կմ խորությամբ և 3.4 մագնիտուդով երկրաշարժ:  

Ստորգետնյա ցնցման ուժգնությունը էպիկենտրոնում կազմել է 4 բալ: Երկրաշարժը զգացվել է Շիրակի մարզի Ամասիա գյուղում 3 բալ ուժգնությամբ:  

Երկրաշարժին հաջորդել է 3.0 մագնիտուդով 2 հետցնցում  հունիսի 21-ի ժամը 00.38-ին և 00.57-ին: Ստորգետնյա ցնցումների ուժգնությունը էպիկենտրոնում կազմել է 4 բալ: